ევროპის ლიგის გამარჯვებულის, “პორტუს” კოლუმბიელი ლიდერი, რადამელ ფალკაო აცხადებს, რომ იგი მადრიდის “ატლეტიკოში” თამაშის წინააღმდეგი არაა.

გერმანული და იტალიური პრესის ცნობით, “ვოლფსბურგმა” “ფიორენტინას” ჯილარდინოს შეძენის თაობაზე მიმართა.

ესპანეთის სუპერთასის პირველი მატჩი ფრედ, 2:2 დასრულდა. ელ კლასიკოს შემდეგ, ორივე გუნდის ფეხბურთელებმა ჟურნალისტებისთვის მცირე კომენტარები გააკეთეს.

ხუთ მატჩში 3 მოგება და 2 ფრე – ასეთია “სანტიაგო ბერნაბეუზე” გამართულ მატჩებში მწვრთნელი გვარდიოლას მონაგარი. გუშინ, კატალონიელმა სპეციალისტმა მშობლიური კლუბი “რეალის” სტადიონზე სათამაშოდ კიდევ ერთხელ გაიყვანა და საკუთარი ფეხბურთელების გარდა, იგი მარცხისგან თავის არიდებას იღბალსაც უნდა უმადლოდეს.
“ბარსა” სუპერთასის პირველ “ელ კლასიკოს” მნიშვნელოვნად შესუსტებული შემადგენლობით შეხვდა. კაპიტანი პუიოლი რომ მატჩს ტრავმის გამო გამოტოვებდა, ეს თავიდანვე ცნობილი იყო. მცირე დაზიანებები აწუხებდათ პიკეს, ბუსკეტსს, ჩავისა და პედროს, რის გამოც, ოთხივე მათგანმა მატჩი სათადარიგოთა სკამზე დაიწყო. განაცხადს მიღმა დარჩა აფელაი.

იმ დროს, როდესაც “ბარსელონას” ფეხბურთელები “სანტიაგო ბერნაბეუს” გასახდელში იყვნენ და “ელ კლასიკოს” მე-2 ტაიმის გასამართად ემზადებოდნენ, ლონდონის “არსენალმა” ოფიციალურად დაადასტურა, რომ გუნდის კაპიტანი და ლიდერი, სესკ ფაბრეგასი კარიერას კატალონიურ კლუბში განაგრძობს.

გერმანიის ეროვნულმა ნაკრებმა ბრაზილიის ეროვნული ნაკრები ამხანაგურ შეხვედრაში ანგარიშით 3:2 დაამარცხა. მატჩის შემდეგ “ბუნდესნაკრების” მთავარმა მწვრთნელმა და ფეხბურთელებმა ჟურნალისტებისთვის მცირე კომენტარი გააკეთეს.

ესპანეთისა და იტალიის ნაკრებებს შორის გამართულ ამხანაგურ მატჩში, დაზიანებები მიიღეს ფერნანდო ტორესმა და ხერარდ პიკემ.

“ინტერმა” ლეონარდოს ხელმძღვანელობით, ზედიზედ მესამე შეხვედრა მოიგო. “ნერაძურიმ” საკუთარ მოედანზე, საკმაოდ ლამაზ სტილში, “ბოლონია” 4:1 დაამარცხა. მასპინძლებმა თავიდანვე დააფიქსირეს მეტოქეზე საკუთარი უპირატესობა და პირველი ნახევრის შუაში, სტანკოვიჩისა და დიეგო მილიტოს გოლებით 2:0 დაწინაურდნენ.

მიუნხენის “ბაიერნის” 27 წლის ფრანგი გარემარბი, ფრანკ რიბერი, რომელმაც შაბათს, “ვოლფსბურგის” წინააღმდეგ სტუმრად ფრედ (1:1) დასრულებულ შეხვედრაში მუხლის ტრავმა მიიღო, ხუთ დღეში ვარჯიშს განაახლებს.

მადრიდის “ატლეტიკოს” ერთ-ერთ ლიდერს, სერხიო აგუეროს მინიმუმ 2 კვირით მოუწევს ფეხბურთის თამაშზე უარის თქმა. ამის მიზეზი, მარცხენა ფეხზე მიღებული ტრავმაა.

ინგლისური “ლივერპულის” ვიცე-კაპიტანი, ჯეიმი კარაგერი პრემიერლიგის მოგების უმთავრეს კანდიდატებად მანჩესტერულ კლუბებს, “იუნაიტედსა” და “სიტის” ასახელებს. 32 წლის მცველის აზრით, შექმნილი მდგომარეობის გათვალისწინებით, ჩემპიონობის ყველაზე მეტი შანსი სერ ალექს ფერგიუსონის გუნდს აქვს, მისი ფეხის დაცდენის შემთხვევით სარგებლობა კი, ყველაზე მეტად “ქალაქელებს” შეუძლიათ.

იტალიურ “ნაპოლის”, სავარაუდოდ, ზამთრის სატრანსფერო ფანჯრის დროს აქტიურობა მოუწევს. ამის მიზეზი ისაა, რომ ნეაპოლელთა მცველი, ჯანლუკა გრავა ხანგრძლივი დროით გამოაკლდა ფეხბურთს. 33 წლის ფეხბურთელმა, “ფიორენტინასთან” გამართულ მატჩში, მუხლის მყესები გაიწყვიტა და იგი იძულებულია, სეზონის ბოლომდე ჩამოშორდეს ფეხბურთს.

საქართველოს საფეხბურთო ნაკრების ფორვარდმა, ვლადიმერ დვალიშვილმა ისრაელის ჩემპიონატში ზედიზედ მე-4 მატჩში გოლი გაიტანა, რაც მის ჰაიფურ კარიერაში პირველად მოხდა. წინა 3 შემთხვევისგან განსხვავებით, ქართველი თავდამსხმელის გოლმა “მაკაბის” 3 ქულა ვერ მოუტანა, ეს კი, იმას ნიშნავს, რომ ჯერ კიდევ პირველ ადგილზე მყოფმა ჰაიფელებმა 6-მატჩიანი მოგებათა სერია შეწყვიტეს.

“მოროკა სვალოუვსმა”, რომელშიც გიორგი ნერგაძე გამოდის, მიმდინარე სეზონში, სამხრეთ აფრიკის ჩემპიონატში პირველი შეხვედრა მოიგო.